අපි ආසම "ලව"
අපිට ජීවිතේ ලැබුන දේවල්, නොලැබුන දේවල් ගැන කතා කරන්න ගියහම හැමෝගෙම ඔලුවට එකවර එන පොදු දේ තමා "ලව්" කරන එක. දැන් ඔන්න කට්ටියක් කියනවලු "බම්බුව" කියලා. ඒ කියන වුන් තාම "ලව් යායේ" දළු නෙලන්න අවසර පත්රය ලැබුනේ නැති වාසනාවන්ත එවුන්. (වාසනාවන්ත කියලා, මං නිකන් කටට ආවට කිවුවේ).හැබැයි ඉතින් ඔන්න දැන් කසාද බැදපු අයගේ අදහස් වෙනස්. එයාලා ලැබුන දේවල් නොලැබුන දේවල් ගොන්නට "ලව" ගාව ගන්නේ නෑ. අත්වැල් අල්ලාගෙන කල්පනා කරනවා,"අපිට ගේ කෑල්ලක් තිබ්බනම්" කියලා.ගොඩාක් වෙලාවට මෙහෙම හිතෙන දේ හිතන විදියටම කියන්නේ පිරිමි පාර්ශවය. ගැහැණු පාර්ශවය "ගේ කෑල්ලක් කියලා හිතුවොත්, ඇත්තටම හිතේ තියෙන්නේ කාමර 3ක විතර හුරුබුහුටි ටයිල් කරපු තට්ටු දෙකේ ගෙයක්. ඒවට වැඩිය කලබල වෙන්න දෙයක් නෑ. ඒක අපි ආසම ගෑණු ගතිය.
ඉස්කෝලේ යන කාලේ ලව් කරන්න ගත්තම හරි හරි වැඩ නොවැ වෙන්නේ. කෙල්ලෙක් දැකලා ඒකට Try කරන්න ඒ කෙල්ලගේ යාලුවගෙන් උදව් ගන්නවා. පස්සේ නතර වෙන්නේ යාලුවව කසාද බැදලා. එහෙම කරපු සෑහෙන උපාසක බළල්ලු මගේ වටේට ඉන්නවා. මටත් උනේ ඊට සමාන එකක් උනාට, අන්තිමට අපිට උදව්කලේ මං මුලින් Try කරපු කෙල්ල නොවැ. බලන්නකො එකෙත් හැටි.ඒ කරගත්ත කුසල කර්මය හේතු කොටගෙන ඒ අසරණීට හොද කොල්ලෙක් ලැබේවා කියලා ප්රාර්ථනා කරනවා.
දැන් කාලේ කොල්ලො කෙල්ලො Facebook එකකට වහ වැටිලා, කොම්පූටරේම එල්ලිලා ඉන්නේ හරියට වවුලෝ වගේ. උන් හිතන්නේ ඒක තමයි ජීවිතේ සියලු අවශ්යතා අත්පත් කර දෙන ඉටු දෙවියො කියලා.දැන් කොල්ලො දන්නේ නෑ, කෙල්ල එනකල් Tuition පංති ලග චාටර් කන එකත් එක්තරා සැපක් කියලා.කෙල්ලොත් තුන්ඩු කැල්ලක් යවනවා වෙනුවට Status
Update කරනවලුනේ. Facebook එකේ වශී වෙන Photo
Update කරලා තියෙන කෙල්ලෝ, ඇත්තට දැක්කම බත්කන බල්ලොත් වහකනවලු. හොදම වැඩේ කියන්නේ කෙල්ලො වගේ ඉදලා තියෙන්නේ කොල්ලො කියන්නේ. පව්නේ.....?
සමහරු ජීවිතේ සමහර තීරණ ගන්නේ ටිකක් කලින්. කලින් කියලා දන්නේ ටිකක් කල් ගියාම. නැතුව කරන්න කලින් අම්මලා තාත්තලා කියන ඒවා අහල එහෙම නෙමේ. හැබැයි ඉතින් ඒකත් ක්රිකට් වගේ තමා. විකට් එක බේරගෙන ඉන්න පුලුවන්නං Run Rate එක ගැන ප්රශ්ණයක් නෑ. මොකද අන්තිම Overs ටිකේ ලෙලි අරින්න පුලුවන්. එහෙම කිවුවේ අවසාන කාලේ කසාද ගෑණිව ලෙලි අරින එකට එහෙම නෙමෙයි හොදේ.
සමහර පොරවල් කියනවා "ලව් කරලා කාටද බං හරි ගියේ" කියලා. බලන්න බැරිය ඉතිං වුන් ලව් කරන්න ගත්තම. බංකුවක්, පදුරක් පෙන්න බෑ. මල් කඩන්නේ ෂොපින් උර වලට නෙමේ, ලොරි වලට. කැලේ මාරු උනාට සිංහ නාදය එමමයි කියන ගොඩාක් අය, කැලේට වහවැටිලා දනින් වැටෙනවලු. අයියෝ සල්ලී. (මේ වචන කැත නෑ බොල, උබලගේ හිත් කැත)
අපේ ආච්චිලා සීයලා ලව් කරපු විදියට මෙලෝ යකෙක් ලව් කොරලා නෑ අපේ මුලු පරම්පරාවටම. කොච්චර ලව් කරාද කියනවනං සීයගේ දත් කුට්ටම තාම ආච්චි ලග. සීයා නැතිවෙලා දැන් අවුරුදු හතකටත් කිට්ටු වෙන්න ලගයි. සීයගේ උපන්දිනේ දවසට දත් කුට්ටමට හාද්දක් දෙනවලු. ආච්චි මලාම සීයගේ දත් කුට්ටම එයාගේ පෙට්ටියටම දාන්නලු. මං හිතන්නේ ස්වර්ගෙදී Meet වෙලා දෙන්නා හොද බුලත් විටක් හපන්න ලෑස්තිය.
කොහොම කොහොම හරි කියනවනං "ලව" කියන්නේ මාර ආතල් එකක්. කටපාඩම් වලංගු නැති ප්රායෝගික ක්රියාකාරකම් පමණක් ප්රතිග්රහණය කරන අමුතුම පාඨමාලාවක්. නොකරපු උන් කොරලා බලාපල්ලා රගේ, කොරන වුන් අකුරක් නෑර හදාරලා Final ගොඩදාගනිල්ලා. උඔලට අයියානායක දෙවිපිහිටයි...